Portieri i dytë i Juventusit, Matija Perin nuk po bind aspak në Torino dhe drejtuesit kanë filluar të shohin për një tjetër “gardian”.
Siç raportojnë të gjitha mediat në Itali, Sarri është shumë pranë Juventusit dhe trajneri mund të “tërheqë” me vete Pepe Reinën, ish-portierin e Napolit dhe aktual të Milanit.
I ati i portierit spanjoll ka dhënë një intervistë për “Radio Kiss Kiss”, duke folur për të ardhmen e të birit.
“Nuk do të ketë probleme për të nesë kalon te Juventusi, pasi ai është një profesionist. Nuk e di nëse Sarri do të shkojë te Juventusi. Ai ka treguar se është një nga trajnerët më të mirë në Botë me Napolin dhe duke fituar me Çelsin. Juventusi është klubi më i suksesshëm në Itali dhe nuk do ta kishte problem të shkonte”, kanë qenë fjalët e të atit të Reinës.
Marrëdhënia mes Sarrit dhe Reinës ka qenë shumë e mirë dhe nuk është çudi një ribashkim i dy burrave te Juventusi.
