Në një intervistë për Faxnews, ish-drejtori i emergjencave civile Shemsi Prençi është shprehur se qeveria nuk duhet të kishte ngritur çadra të ushtrisë por çadrat të cilat i ka dhënë BE apo dhe vende të tjera që nga fatkeqësia e Fierit në 2007.
Deklarata e plotë:
“Unë e kam ndjekur situatën nëpërmjet mediave, por e kam përjetuar këtë situatë me shumë shqetësim. Aty janë rreth 130 banesa të shpallura jashtë përdorimit. Unë kam folur me ekspert dhe ata më kanë pohuar që tërmeti ishte shumë i fortë. Gjithsesi duhet të themi që për ato banesa që kanë qenë në afërsi të epiqendrës së tërmetit janë totalisht të pa banueshme.”
Sa i përket përplasjes që patën banorët e Korçës të cilët janë të strehuar në çadra me punonjësit e emergjencës civile Prençi tha:
Duke marrë në konsideratë këtë fatkeqësi unë do të thosha që nuk është reaguar ashtu siç duhet. Komiteti ndërminiatror duhet të ishte mbledhur urgjentisht në Korçë. Thonë që ka qenë Spiropali por kjo nuk është pjesë e komiteti, ndaj nuk mund të merret në konsideratë.
Në këto kushte ne kemi parë vetëm një grup ushtarakësh dhe kanë ngritur çadrat e reparteve ushtarake. Emergjenca Civile nuk ka ngritur çardrat të cilat janë pikërisht për këtë çështje ato kanë qenë të ushtrisë. Duhet të ishin ngritur çadrat të cilat i ka dhënë BE apo dhe vende të tjera që nga fatkeqësia e Fierit në 2007.
Mënyra e reagimit të shtetit fillon që tek mbledhja e menjëhershme e Komitetit ndërministror sepse kemi të bëjmë me tërmet. Reagimi i strukturave operacionale ka qenë për të ardhur keq. Të ngresh vetëm 7 çadra me ca krevat për të ardhur keq është shumë e tmerrshme. Është mëse normale dhe duhet ta pranojmë, por reagimi i qytetarëve është i përligjur.
Qeveria duhet të kishte shpallur gjendjen e emergjencës pjesore dhe jo atë të jashtëzakonshme. Qytetarët për vetë specifikën e fatkeqësisë përfitojnë kompesimin 100% të kompensimit të banesës dhe atë të objekteve të tjera gjithçka brenda shtëpia. Në të kundërtën shteti kompenso 100% objektet dhe shtëpinë vetëm 50 %.
Ai ka thënë në studio se përgjegjësinë për këtë ngjarje e ka përgjegjësi Ministrja e Mbrojtjes Olta Xhaçka dhe është ajo që duhet të shpall gjendjen e emergjencës pjesore.
“Ministria e Mbrojtjes ka të drejtë të shpall gjendjen e këtyre banorëve. Është përgjegjësi e Olta Xhaçkës. Nëse nuk shpallet kjo gjendje ata përfitojnë vetëm 50% kompensim për shtëpitë e tyre. Kjo qeveri është parë me një risi, kur ka dashur të bëj show e ka mbledhur në çdo qytet të Shqipërisë këtë komitet ndërministror. Ata sot kanë rastin të mblidhen në fshatin Floq të Korçës.”
Ndërkohë gjatë bisedës është folur gjithashtu dhe për protestën e opozitës qëllimet e saj dhe vijimësinë.
“Unë në këtë gjë kam një konflikt interesi se jam protestues si ish-punonjës i administratës shtetërore. Aty janë larguar të gjithë ekspertët dhe është mbushur me militant. Fakti që unë jam pjesë e protestës kam konflikt interesi. Si ish-drejtor policie protesta e opozitës është në përmasa shumë të mëdha, ka një mbështetje nga protestuesit.
Protesta nuk është e ashpër, më shumë bëhet zhurmë dhe nuk kemi parë dhunë ndaj policisë si rasti i 21 Janarit. Reagimi i policisë është në kundërshtim me sjelljen e protestuesve. Përdorimi i gazit lotsjellës apo dhe ujit nuk është përdorur atje ku duhet. Policia duhet të largojë ekstremistët por kurrsesi nuk duhet të përdor gazin lotsjellës. Ka një ligj të saktë për këtë gjë.
Ndërkohë sa u përket paralajmërimeve të policisë gjatë protestës, apo dhe efektivëve të plagosur Prençi u shpreh:
Në të gjitha artopolantët është një kasetë e regjistruar. Ndërkohë që opozita ka bërë protestë me karaifilia të njëjtën gjë ka bërë policët dhe të njëjtën thirrjen ka bërë.
Sa u përket efektivëve kemi qenë tek Spitali Ushtarak kjo është qesharake, ata janë të lënduar normalisht se janë në mbrojte në një protestë me shumë njerëz. Janë gati 60 mijë qytetarë dhe normalisht që duhet të ketë dhe njerëz të lënduar.
Ai e ka mbyllur fjalën e tij me një sugjerim drejtuar opozitës dhe mënyrës se si ajo ka zgjedhur të zhvilloi protestat.
Nëse është seriozisht që duhet të bëhet një ndryshim i tillë në Shqipëri, duhet të merret parasysh dhe me shumë seriozisht le të protestojë që në 8 të mëngjesit deri në 8 pasdite tek Kryeministria dhe Parlamenti dhe të mos lejojnë njeri të futet aty. Sepse ky është misioni i opozitës.
