Ministri i Brendshëm, Sandër Lleshaj, ka publikuar në rrjet një video, që sipas tij, tregon dhunën në protestën e djeshme të opozitës.
LLeshaj ka publikuar pamjet nga një sherr që ka ndodhur gjatë protestës mes disa personave, duke shkruar se akuzat për dhunën e ushtruar nga policia ndaj protestuesve janë një bllof i turpshëm, i “ngjashëm me atë të “çadrave pistoletë” të 2011-ës”.
Postimi i Lleshajt
Nga frymëzuesit dhe ekzekutuesit e dhunës së mbrëmshme, tashmë duhet një përgjigje publike për insinuatën e akuzuave monstruoze kundër Policisë, që rezultuan në një blof të turpshëm, të ngjashëm me atë të “çadrave pistoletë” të 2011-ës.
