Të tjera lëkundje tërmeti kanë ndodhur në Korçë, duke shtuar panikun mes banorëve.
Tërmeti i fundit me magnitudë 3.6 të shkallës Rihter është regjistruar rreth orës 07:49, ndërkohë që më herët ka pasur edhe 3 lëkundje të tjera.
Më i forti, 3.9 ballë, ka rënë në orën 5:49 minuta sot, 15 km në jug të korçës në thellësinë 5 km.
Banorët e disa fshatrave janë ende të strehuar në çadrat e Emergjencave Civile prej dy ditësh, të frikësuar se lëkundjet do të përsëriten.
Kështu në 48 orët e fundit Korça ka pasur mbi 70 lëkundje tërmeti, ndërsa me dhjetra banesa janë dëmtuar.
