Ish-aktori i Portokallisë, që një herë e një kohë imitonte figurat e politikës, sot është më pranë se kurrë me politikën dhe gjithë veset e saj. Pas tërmeteve që kanë tronditur ditët e fundit zonën e Korçës dhe Kolonjës kandidati i PS-së për kryetar Bashkie në Ersekë Erion Isai, ka vizituar banorët e prekur.
Por teksa ka biseduar me ata, ai me qejf ka ngrënë edhe disa petulla që i janë ofruar nga banorët. Në tentativë për tu dukur sa më popullor dhe më pranë banorëve të kësaj zone, edhe Erioni njësoj si adashi i tij Erion Velaij, ka nisur punën me shumë pasion dhe dëshirë për të kopjuar çdo gjë popullore nga ky i fundit, duke lënë gjithë aspiratat politike mënjanë e duke shitur vetëm modestinë dhe përultësinë përpara popullit, që pret ta votojë.
