Policia e Shtetit ka nisur shoqërimet e qytetarëve, menjëherë pas përfundimit të protestës nga opozita.
Ende nuk ka një shifër se sa qytetar mud të jenë shoqëruar në komisariatet e policisë, por mësohet se mes tyre është edhe Gentian Mark Gjonaj, i njohur ndryshe si si zëri i protestave të opozitës, ku përmes thirrjeve nxitëse mban ndezur turmën.
Mësohet se ndalimet e para të qytetarëve kanë ndodhur pranë zonës së Parlamentit, atje ku edhe u regjistruan incidentet më të shumta në protestë.
Efektivë të repartit “Shqiponja”, si dhe civilë mësohet se kanë kryer shoqërimet, ndërsa mësohet se po mblidhen të dhënat nga kamerat e sigurisë për identifikimin e personave që mund të jenë përfshirë, sipas policisë, në akte dhune.
Protesta e opozitës nisi rreth orës 19:00 para godinës së Kryeministrisë, në bulevardin “Dëshmorët e Kombit” dhe përfundoi rreth orës 22:30 te selia e PD-së me një fjalim të kryetarit demokrat, Lulzim Basha.
Në protestë u raportua për 14 persona të dëmtuar, si pasojë e përplasjeve pranë godinës së Parlamentit.
Protesta e ardhshme e opozitës do të mbahet më 8 qershor, të shtunën e ardhshme, ndërsa sipas Bashës, fjalën do e kenë qytetarët, duke i drejtuar një paralajmërim të prerë kryeministrit Rama dhe ministrit të Brendshëm, Sandër Lleshaj.
