Mëngjesin e kësaj të hëne në ambientet e Spitalit të Traumës, vijuan tensionet mes opozitës dhe qeverisë.
Ministri Lleshaj ka shkuar pas protestës për të vizituar policët e plagosur dhe aty është ndeshur me ish-deputetin Bardh Spahia, i cili e ka akuzuar për dhunën përgjatë protestës.
Ashtu si shihet edhe nga video, janë dashur tre policë për të mbajtur ish-deputetin Spahiu.
Teksa largonin ish-deputetin, efektivët e policisë duket se kanë pasur një mosmarrveshje mes tyre. Një fotografi, që tregon momentin kur një efektiv tërheq kolegun e tij, ka marrë vëmendjen e këngëtarit shumë të dashur për shqiptarët.
Këngëtari Dashnor Diko e komenton këtë moment me keqardhje. “Më ka ardhur shumë keq për këtë skenë, ai vërtetë s’mund të ketë grada por ka një personalitet dhe dinjitet, ka një familie që mundohet ta mbajë me punë dhe ndershmëri, mos ja ul moralin dikujt që i ka thënë babait tënd të rrojë djali, njeriu respektohet dhe nga mosha jo vetëm nga posti”, shkruan ai.
