Monika Kryemadhi, kryetare e LSI-së, nuk ka qenë dje e pranishme në protestën e opozitës. Mungesa e saj ka rënë në sy, ndërsa pothuajse të gjithë drejtuesit e kësaj partie ishin pjesëmarrës, bashkë me mbështetësit e tyre.
Fillimisht u tha se Kryemadhi ndodhet në një vizitë jashtë vendit, ndërsa më pas mungesa e saj në protestë kishte të bënte me problemet shëndetësore.
Mësohet se Kryemadhi i është nënshtruar një operacioni dhe për këtë e ka pasur të pamundur që të jetë pranë qytetarëve.
Dje opozita organizoi një prej protestave më të mëdha, ndërsa mijëra qytetarë për mbi 3 orë kërkuan largimin e Edi Ramës si kryeministër. Ky i fundit kishte zgjedhur të ishte në Lezhë, ku edhe prezantoi kandidatin e Rilindjes për kryebashkiak, Pjerin Ndreu.
