Policia prej disa minutash ka hedhur gaz kundër protestuesve, që janë mbledhur para godinës së Kuvendit.
Forcat e rendit kanë reaguar me gaz, ndërsa disa herë i kanë bërë thirrje drejtuesve të opozitës, Lulzim Basha dhe Gazmend Bardhi, që të tërheqin protestuesit.
Ndërkohë përmes një postimi në rrjet, ministri i Brendshëm, Sandër Lleshaj, thotë se janë plagosur 7 punonjës policie, ndërkohë që nuk jep shifra nëse ka pasur ose jo qytetarë të dëmtuar.
Të paktën një protestues u dëmtua rëndë në këmbën e majtë, ndërsa pati gjakderdhje. Ai u transportua nga një autoambulancë rreth 20 minuta, pasi u dëmtua.
