Ish-kryeministri Sali Berisha ka komentuar hapjen e fushatës elektorale nga PS dhe kryetari i saj Edi Rama. Në një postim në Facebook, Berisha shprehet se Rama kishte vendosur më herët dy destinacione në kryeqytet për të hapur fushatën, por më pas i ndryshoi dhe kaloi te opsioni i katërt.
“Edvin Kristaq Xhelati pasi shpalli se antifushaten do ta hapte ne Pallatin e Kongreseve por frika e nje rrethimi te mundshem nga kryengritesit e revoltuar ndryshoi vendin duke konsideruar Pallatin Asllan Rusi. Por ai hoqi dore nga ky projekt pasi mesoi se heronjte e Unazes se Re vendosen te bllokonin rrugen madje te mos kursenin te gjitha mjetet e mosbindjes civile personalisht kunder tij dhe Lal Plehut”, shprehet Bersha.
“Se fundi, ai hapi llafin se antifushaten do ta çelte ne amfiteatrin tek Liqeni, ne te vertet gjysem klandestin ai e spostoi antifushaten ne nje palester ne te cilen ato pak qindra zyrtare qe moren pjese u kontrolluan ne te gjitha llojet e kontrollit fizik, radiologjik dhe gjer te qente e specializuar per eksploziv. Ndaj dhe kjo mund te thuhet se ishte antifushata e vrimes se miut”, shton ai.
Ish-kryeministri ndalet edhe te protesta që opozita ka thirrue pasditen e sotme: “Sot Cunami Gjigand do ti jape mesimin e merituar Edvin Kristaq Xhelatit, monstres se pluralizmit politik te Shqiperise! “Rama Ik”, Fitore!! sb”.
