Policia e Shtetit ka reaguar lidhur me plagosjen e një prej qytetarëve gjatë protestës së sotme të opozitës. Situata u tensionua pranë Kuvendit, ku janë hedhur gurë, fishekzjarre dhe flakadanë.
Dyshimet ishin se protestuesi u qëllua me plumb gome, duke i shkaktuar gjakderdhje në këmbë.
Por sipas policisë, prej saj nuk janë përdorur goditje me plumba gome, apo mjete të tjera.
Qytetarët e pranishëm në protestë thanë se protestuesi ishte qëlluar me plumb gome, duke ngritur dyshimet mbi dëmtimin e tij.
