Kreu demokrat Lulzim Basha ka thirrur një mbledhje urgjente në selinë e PD-së të kryesisë, grupit parlamentar dhe drejtuesve të bashkive.
Mbledhja zhvillohet pas një proteste që zgjati për më shumë se 3 orë me thirrjet “Rama ik”.
Në këtë mbledhje pritet të miratohet data se kur do të zhvillohet protesta e 8 e opozitës, si dhe strategjia që do të ndiqet.
Në fjalimin përmbyllës të protestës, Kreu demokrat Lulzim Basha ka falenderuar protestuesit për shpirtin e qëndresës dhe vendosmërinë e treguar gjatë protestës së sotme.
Basha tha se kjo ishte protesta më e madhe që ka parë historia, jo vetëm në Shqipëri, por në të gjithë Ballkanin.
“Mesazhi i qartë është se banda kriminale t’a harrojnë njëherë e mirë se pushtetin do ta mbajnë me dhunë, duke dhunuar qytetarët, duke dhunuar votën e tyre, duke vendosur kriminelët dhe duke përdorur bandat.
Edi Rama dhe banda e tij t’a harrojnë se do të mund të mbajnë pushtetin me dhunë.
Ata horra që ju hodhën gaz dhe ju dhunojnë, përgjigjia ndaj kriminelëve të kupolës, po i them sot Edi Ramës dhe zuzarit të tij, sadist Sandër Lleshaj, do të merrni përgjigjen e merituar, do të përgjigjeni përpara ligjit”, tha Basha.
