Policia ka nisur përpjekjet për identifikimin e disa të rinjve që shfaqen në një video të publikuar në ditët e fundit, duke dhunuar barbarisht një bashkëmoshatar të tyre.
Videoja me pamje të rënda iu është shpërndarë 6 komisariateve në Tiranë, pasi dyshohet se ngjarja ka ndodhur në kryeqytet, por nuk përjashtohet mundësia që të këtë ndodhur në ndonjë qytet tjetër.
Në videon e siguruar nga News24 dhe BalkanËeb duket një adoleshent i rrethuar nga një grup djemsh që e godasin njëri pas tjetrit në fytyrë dhe në trup dhe e detyrojnë të thotë fjalë të turpshme, denigruese.
Djali qan me ngashërim, ndërsa djemtë e godasin me shqelma. Në pamje nuk shfaqen në mënyrë të dukshme fytyrat e agresorëve, duke vështirësuar identifikimin e tyre nga policia. Nuk është e qartë koha kur ka ndodhur ngjarja, pasi nuk është bërë i mundur as identifikimi i djalit që ka rënë pre e bulizmit.
Gazetarja Klodiana Lala ka biseduar me shefa komisariatesh dhe specialistë të cilët i kanë konfirmuar se videoja në fjalë është marrë nga policia sot në mesditë. Menjëherë iu është shpërndarë specialistëve të zonës dhe është kërkuar me urgjencë t’i gjejnë.
