Kryeministri Edi Rama ka shtruar iftar për besimtarët myslimanë në “Natën e Kadrit”. Ndërsa ka falenderuar besimtarët, Rama ka zgjedhur që të thumbojë opozitën duke cituar, sipas tij, edhe Kuranin.
“Në sofrën e Kuranit ka vend edhe për hipokritët, që i shenjti Kuran thotë se janë gënjeshtarë.
Për të përligjur forcën, hipokritët përpiqen ta transformojnë, e marrin Zotin si dëshmitarë për sherret e tyre.
Në mundshin shkretojnë tokat dhe çdo tjetër. Vjen gjithmonë një kohë kur e mira dhe e keqja përplasen.
E mira duket e dobët, e keqja e fortë. Por në përplasjen mes tyre më shpesh triumfon e para. Kurani është udhërrëfyes shumë bujar. Dhe ndihmon këdo.
Nëse doni të ecni para luftoni por në rrugën e Zotit.
Kurani nuk i përjashton si pjesë e jetës. Kurani thotë luftoni kundërshtarët por mos u bëni faqezinj dhe bukshkalë se Zoti nuk i do bukëshkalët.
Lufto pra vetëm në shtegun e Zotit. Fundja përgjegjës je vetëm për vetëveten. Zoti të ndihmon për këto që në shtegun e arsyes kërkon ndihmë dhe i ndriçon arsyen kujdto pa i diktuar se kë duhet të besojë dhe këtë besojë.
Jemi të rrethuar nga mure që rrezatojnë histori pushtetesh dhe na mësojnë që pushtetet ndërohen por shtegu i arsyes mbetet dhe kush prej tij devijon humb pushtetin mbi vetëveten. Qoftë edhe kjo banesë meditimi sot të kthyer në të tillë prej sofrës së iftarit një shëmbëlltyrë për paqen dhe dashtë zoti rrezatoftë edhe më gjërë.
Por në fund fare siç thotë edhe Kurani këtë banesë të mbrame ia japim atyre që nuk janë kryeneçë dhe nuk e marrin njerëzit në qafë. Gjithçka në fund u përket atyre që u ka përkitur gjithmonë. Atyre që i frigohen Zotit.
Në fund fare dua t’ju falënderoj të gjithëve për praninë tuaj. Në këtë sofër tradicionale për ne, që e shtrojmë këtu sepse organizatorët që më ndihmojnë kishin parë në Iphone që do bjerë shi, unë iu thashe që shi nuk ka.
Unë iu thashe që shi nuk ka, por dëgjuan Iphonin dhe shi nuk ra, dhe qielli është i hapur, por pak rëndësi ka, edhe atje edhe këtu jemi të rrethuar nga mure që rrezatojnë histori pushtetesh dhe që na mësojnë nëse kemi veshtë të dëgjojmë, që pushtetet ndërrohen, por shtegu i arsyet mbetet dhe kush prej tij devijon, humb pushtetin mbi vetveten.
Qoftë dhe kjo banesë meditimi sot e kthyer në të tillë për shkak të sofrës së Iftarit një shëmbëlltyre dhe paqe dhe dasht Zoti edhe më gjere”, tha Rama.
