Kryeministri Edi Rama është treguar i prerë lidhur me zhvillimin e zgjedhjeve lokale më 30 qershor.
Me anë të një statusi në Facebook-un e tij, Rama ka postuar vendin dhe orën se ku do të çelë fushatën duke shkruar se zgjedhjet do të zhvillohen më 30 qershor.
“30 qershor dhe pikë”, – shkruan kryeministri Rama dy ditë para protestës së opozitës.
Ndërkohë që kryeministri promovon nisjen e fushtës për zgjedhjet e 30 qershorit, opozita e bashkuar ka vendosur për bojkotimin e tyre duke shprehur bindjen se me Ramën në krye të qeverisë nuk mund të ketë zgjedhje të lira dhe të ndershme.
