Kryeministri Edi Rama ka replikuar me deputetin Kujtim Gjuzi në seancën e sotme plenare.
Rama ishte duke folur në foltoren e Kuvendit për “30 qershorin si datën e panegociueshme të zgjedhjeve”, kur Gjuzi e ndërpreu, duke fokur nga vendi.
“Zgjedhjet e 30 qershorit nuk negociohen, dita buron nga Kushtetua si përcaktim në dekretin e Presidentit të Republikës bazuar në Kushtetutë”, tha Rama.
Replika e Gjuzit pa mikrofon nuk u dëgjua në lidhjen direkte mediatike, ndërsa Rama shtoi:
“Për ata që se kanë zërin e sallës kam nderin të ndërpritem nga lartëmadhënia e tij Kujtim Gjuzi i parë. Mos më ndërprit dhe reflekto edukatën monarkike që është shprehja më e lartë e edukatës monarkike për të respektuar njeriun”.
Gramoz Ruçi, kryetar i Kuvendit: Ju lutem mos ndërhyni nga vendi zoti Gjuzi.
Rama: Megjithatë nga Flamuri i Parë deri të Gjuzi i Parë është progres. Janë ndërprerje e që i japin sharmë ndryshe nga shkopi pa flamur.
