Një burrë u përpoqe të rrëmbente një 9-vjeçare gjatë rrugës së saj nga shkolla për në shtëpi, duke u përpjekur ta joshte atë me ëmbëlsira, fillimisht, ndërsa më pas tentoi ta merrte me dhunë duke e kapur të miturën nga flokët.
Sipas ” The sun”, ngjarja ka ndodhur në Wandsworth, në jug-perëndim të Londrës, ndërsa autori është identifikuar dhe është shpallur në kërkim nga policia.
Vajza ka treguar se gjatë rrugës për në shtëpi, burri e kishte ftuar atë të futej në një shtëpi, duke i thënë se do t’i jepte ëmbëlsira. Ajo e kishte refuzuar dhe u largua me vrap, ndërsa burri e ndoqi nga mbrapa deri afër shtëpisë së saj.
Ai e kapi nga flokët, por vajza arriti të shpëtonte duke u futur në shtëpi dhe duke mbyllur derën. Ajo e përshkroi agresorin si një burë i gjatë, i zi dhe i veshur me rroba të errëta.
