Një shkollë në Utah kanë filluar hetimet për një mësuese praktikante, pasi u filmua duke iu ulur në prehër një nxënësi. Videoja u xhirua nga një nxënës në shkollën e mesme Granger në West Valley ditën e premte më 24 maj. Në video shihet mësuesja, e cila ulet në prehërin e studentit ndërsa është duke punuar në kompjuter.
Ata janë shprehur se ajo punon aty që prej fillimit të vitit shkollor, si një punjonjëse me orë të pjesshme.
Teksa nxënësit e përshkruajnë atë që ndodhi si diçka të habitshme.
Ata thanë:
Mësuesja ishte ulur në prehërin e një nxënësi teksa punonte me kompjuter, duket sikur nuk i intereson fare. Nuk mendoj që është e pafajshme, nuk është e hijshme, si mundi ta bënte?”
Një zëdhënës i shkollës konfirmoi se shkolla ka filluar një hetim për të parë nëse gruaja e ka thyer rregulloren e shkollës. Megjithatë duke qenë se ajo nuk është akuzuar ende zyrtarisht, shkolla e ka mbajtur të fshehtë identitetin e saj.
Shkolla në një deklaratë shkruan:
Kjo punonjëse është një mësuese e cila punon disa orë në ditë. Ajo ndihmon studentët që të rikuperojnë kreditet. Ajo ka punuar në këtë shkollë që prej fillimit të vitit shkollor. E vlerësojmë që prindërit mundën ta raportonin videon në administratën e shkollës ditën e premte. Punonjësja nuk është paraqitur në punë që pas ndodhisë. Video flet vetë, ne kemi marrë masa paraprake, deri në mbyllje të hetimeve.”
