Kreu i opozitës Lulzim Basha, ishte i pranishëm pasditen e sotme në Kurbin, ku deklaroi se Ramën shumë shpejt e pret fundi. Basha deklaroi se fundi i Edi Ramës do të vijë nga Kurbini. Ai tha se kush ka firmosur për vjedhjen më të madhe atë të rrugës Milot-Balldren, e pret burgu.
Lexo edhe: Basha: Rama po mban peng të ardhmen e Shqipërisë në BE
“Ju jeni tmerri i tiranisë. Këtu ka mbetur gjithmonë e ndezur duke i dhënë kurajo çdo demokrati e çdo qytetari, që do barazi para ligjit, që do dinjitet. Nga Kurbini do ti vijë fundi pushtetit kriminal, dhe përgjimit të hajdutëve. Vetëm pak kilometra që këtej po planifikohet një tjetër hajdutni e madhe, Milot-Balldren 216 miljonë euro për 17 kilometra. Hajdutëri të tillë shohin vetëm vendet ku populli ka mbaruar dhe e njohin të keqen. I bëj thirrje çdo banke shqiptare: mos mbulo asnjë lopatë të vetme dheu, pasi kjo kontratë do të varrosë. Rama, Balluku, Gjiknuri do të shkojnë në burg. Zotohem për Kishë të Laçit, se kjo kontratë do të varroset dhe ata që kanë firmosur do të shkojnë në burg. Thirrini mendjes ju bëj thirrje bankave, do ju konfiskojmë çdo qindarkë”, tha Basha.
