Zgjedhjet e 30 qershorit pa pjesëmarrjen e opozitës nuk konsiderohen në vlefshme. Të paktën ky është rezultati i sondazhit të IPR Marketing.
A do ishin të vlefshme zgjedhjet e qershorit, ishte pyetja që i është drejtuar të anketuarve.
Shqiptarët mendojnë se zgjedhjet e 30 qershorit pa pjesëmarrjen e opozitës nuk do të ishin të vlefshme dhe të ligjshme. Janë 60.6% e shqiptarëve që ndajnë këtë mendim. Ndërsa vetëm 33.4% mendojnë se zgjedhjet do të ishin të vlefshme edhe pa pjesëmarrjen e opozitës. 5.9% kanë thënë se nuk e dinë.
Ndërkohë një tjetër pyetje ka të bëjë me atë nëse mazhoranca duhet të hyjë në zgjedhjet lokale, pavarësisht mospjesëmarrjes së opozitës?
47.4% e shqiptarëve janë të mendimit se mazhoranca nuk duhet të hyjë në zgjedhje pa opozitën. 38.6% thonë se janë mazhoranca duhet të hyjë në zgjedhje, pavarësisht mospjesëmarrjes së opozitës. Ndërsa 14 % thonë se nuk e dinë.
Ndërkohë,53.5% e shqiptarëve mendojnë se data e zgjedhjeve të 30 qershorit duhet të shtyhet, kjo referuar situatës aktuale politike. 38.4% e shqiptarëve nuk janë dakord që data e zgjedhjeve të shtyhet. Ndërsa 8.1% janë përgjigjur “nuk e di”.
