Një ngjarje e rëndë ka tronditur botën. Një burrë i zuri pritë një autobuzi dhe qëlloi mbi të paktën 18 vetë, duke përfshirë 16 nxënës shkolle, e më pas vrau edhe veten.
Mediat e huaja bëjnë me dije se një nga nxënësit vdiq në vend në një zonë periferike në jug-perëndim të Tokios.
Disa media japoneze njoftuan të paktën tre vdekje, ndërsa disa thanë dy, duke përfshirë edhe sulmuesin.
NHK, transmetuesi publik japonez, raportoi se të gjithë fëmijët ishin vajza.
Pas kryerjes së sulmit, njeriu, i përshkruar si moshës 50 vjeçare, goditi veten në qafë dhe më pas vdiq, thanë zyrtarët për NHK. Sulmi ndodhi në qytetin Noborito-Shinmachi në Kaëasaki City.
Toshichika Ishii, 57 vjeç, ishte ulur në një park afër vendit ku ndodhi sulmi kur dëgjoi një fëmijë të bërtiste: “Unë jam i frikësuar”, dhe dëgjuam sulmuesin duke bërtitur në japonisht, “Unë do t’ju vras!”
Sulmi ndodhi pasi fëmijët ishin në stacionin duke pritur të merrnin një autobus shkollor në Caritas, një shkollë katolike lokale, thanë dëshmitarët.
Pas sulmit, fëmijët u shoqëruan në Caritas nga prindërit e tyre, të cilëve u ishte thënë nga zyrtarët e shkollës që të mos flisnin me gazetarët.
Një baba, i cili kishte ardhur të merrte vajzën e tij të dytë, tha se gruaja e tij kishte parë lajmin për sulmin me thikë në televizion dhe ai kishte marrë një mesazh nga shkolla, që iu kërkonte prindërve të merrnin fëmijët.
“Nuk ishte dhënë ndonjë arsye,” tha babai, i cili foli në kushte anonimiteti. “Sapo kisha një paralajmërim të standardizuar duke na kërkuar që t’i marrim fëmijët tanë.”
