Taulant Balla, Sekretar i Përgjithshëm i PS-së, ka zbardhur detaje, mbi takimin e thirrur nga kryeministri Edi Rama me deputetë dhe drejtues të socialistëve sipas qarqeve.
“Mua më vjen mirë që çdo takim pune përbën lajm për ju. Siç ju thash ne do të hapim fushatën zgjedhore me kandidatët e çdo bashkie dhe pastaj do të zbresim në të gjitha bashkitë për të komunikuar me njerëzit, sepse fushatat janë një nga mënyrat më të mira për të qënë në kontak me ata”, tha Balla në studion e Faxnews.
Balla ka mohuar që takimi i sotëm mund të sjellë ndonjë ndryshim qëndrimi nga ana e PS-së përsa i takon kërkesës së opozitës.
“Unë nuk di ku mund të gjej ndonjë parti politike për të ndryshuar ditën e zgjedhjeve. Shqiptarët kanë një shprehje e cila është ‘nuk e luan as topi’ dhe datën e zgjedhjeve nuk e luan as topi.
‘Humbësit kronik’ kanë një sjellje të gabuar kundrejt shtetit dhe rregullave. Zgjedhjet nuk shtyhen sepse Lulzim Basha nuk fiton dot. Por ‘humbësi kronik’ nuk e kupton dot që në 1 korrik duhet të shpërndahet ndihma ekonomike dhe të filloj puna, ata kanë vetëm hallin e vetë. Zgjedhjet nuk i caktojnë partitë politike por kushtetuta. Ne do të bëjëm detyrën tonë dhe sigurisht në 30 qershor do të presim të qetë për zgjedhjet lokale”, tha Balla.
Ndërkaq gazetarja e FaxNeës i ka kujtuar deputetit rastin e 2007 kur mazhoranca ishte në opozitë dhe kishte po të njëjtat këresa me opozitën aktuale, e cila prej disa muajsh me mandate të djegura është duke thirrur protesta të një pas njëshme.
“Nuk eksizton asnjë paralelizëm mes rastit të 2007 dhe opozitës sot. Nga ana jonë ka pasur një gatishmëeri e thënë shumë qartë nëpërmjet 6 letrave publike për tu ulur në një tryezë për të identifikuar të gjitha mundësit që mund ta fusin Partinë Demokratike në zgjedhje.
Sot nga ato çfarë kërkojën opozitarët nuk ekziston asnjë problematikë. Shqiptarët sot kanë karta biometrike me standartet më të mira europiane, ata kanë gjithçka të nevojshme. Për të gjithë ata që nuk e din në marrëveshme më kompanin koncesionare vlerfshmiria e tyre është shtyrë deri në përfundim të këtij viti”, u shpreh ai.
Balla është pyetur edhe mbi deklaratën e bërë nga Presidenti, i cili është shprehur i gatshëm për të ndryshuar dekretin mbi datën e zgjedhjeve, duke e zhvendosur atë, në favor të zgjidhjes së krizës politike.
“Ç’lidhje ka mandati i Presidentit Ilir Meta me datën e zgjedhjeve dhe pse duhet të lobojmë tek Presidenti për të mos ndryshuar datën. Duhet të dini që Shqipëria është republikë parlamentare jo presidenciale”, tha ai.
