Ish-ministri i Drejtësisë në qeverinë “Rama 1”, ka vënë në dukje të metat e sistemit të ritë drejtësisë. Në një shënim në Facebook, Manjani shprehet se sistemi nuk u reformua, por u ndëshkuan njerëzit.
Statusi i Manjanit
Për reformën që deshën.
=========
Që reforma në drejtësi ishte dhe mbetet një ndërhyrje brutale mbi personelin e gjykatave dhe prokurorive, ska më asnjë dyshim.
Dmth, u synua heqja e ca njerëzve për të krijuar vende bosh për të tjerë. Ky ishte qëllimi.
Asgjë racionale që përmirëson drejtësinë, shpejtësinë e gjykimit, transparencën, aksesin në drejtësi apo rregulla të tjera procedurale nuk u bë.
Përkundrazi vihet re qartazi një përkeqësim në të gjitha treguesit e hetimit e gjykimit.
Aq keq ka shkuar kjo punë saqë, policia tashmë është mbi Prokurorinë; gjykatat i zëvendëson portali (platformë e paligjshme kjo) Shqipëria që Duam; qeveria është dukshëm dominuese bërjen e zhbërjen e ligjeve; për barazi para ligjit as bëhet fjalë.
Sepse nuk u reformua sistemi, por u ndëshkuan (ende vijon) njerëzit. Pisllëk i përsëritur ky që prej vitit 1993, kur me kurse 6 mujore u zëvendësuan juristë profesionistë.
Nuk kam dashur asnjëherë ë merrem me persona, sepse mbetem besnik i parimit që sistemi i rregullave është më i rëndësishëm.
Por, nuk mund ta injorojmë pafundësisht realitetin ku gjendet i gjithë pushteti gjyqsor i cili nuk ka qenë kurrë 100% i pavarur, por tashmë është i varur fare.
Kjo varësi ekstreme nga politika, këtë herë ka ardhur për shkak të proçesit të keqzbatuar të Vetting.
I keqzbatuar si në parim ashtu edhe rast pas rasti.
Vendimmarrja e strukturave të vetting është qartësisht abuzive, jo e drejtë dhe i pabarabartë.
Pjesë e problemit mbetet pyetja kush po vetton gjykatësit?
Në krye të herës jam munduar të denoncoj (pa emra natyrisht) konfliktin e interesit që kanë disa të përzgjedhur në këto struktura.
Pra njerëz që kanë hak për të marrë ndaj gjykatësve e prokurorëve, të cilët kanë patur në dorë çështje gjyqsore të këtyre personave që janë sot vettuesit.
Në strukturën e vetting, ka njerëz që kanë qenë të pandehur ose kanë patur çështje gjyqsore për të cilat do marrin hak!!!
Ka gjithashtu njerëz që nuk e meritonin të ishin aty sepse nuk plotesonin kriteret ligjore. Ka persona që kanë qenë gjykatës dhe janë larguar nga gjyqsori me.masa displinore, ashtu siç ka persona që kanë refuzuar vendimmarrjen e KLD.
Këto persona nuk mund të ishin e as janë të duhurit për të vendosur për fatin e gjykatësve e prokurorëve.
Më këto persona vulnerabël puashteti bën ça të dojë, siç në fakt po bën.
Ndaj ska se si të ketë drejtësi të pavarur.
Le pastaj përbërja e KLGJ dhe KLP, personat që u zgjodhën nga Parlamenti fët e fët janë në shumicën e tyre me kritere të mangëta ligjore.
Ndaj nuk është rastësi zbulimi që bën media për anëtarë të veçantë që skanë bëra as shkollën e mesme, por janë në krye të pushtetit të drejtësisë
Për disa madje nuk dha dakortësi as ONM.
Përfundimiaht as reformën e personelit nuk e bënë ashtu siç duhet.
Ama janë pro reformës, si të gjithë të pafytyrët e kësaj bote…
