Nga Boldnews.al
Të dy dolën të dërmuar nga Samiti i Berlinit kur iu bë e qartë se ndryshim kufijsh në rajonin e Ballkanit nuk do kishte. Ky ishte momenti më kritik i Thaçit dhe Ramës në arenën ndërkombëtare, të cilët dyshohet se gatuan një marrëveshje të fshehtë që i jepnin Serbisë Veriun e Mitrovicës dhe Kosova përfitonte një pjesë nga Lugina e Preshëvës.
Këtë ide të kahershme të Serbisë, për copëtimin e Kosovës, e sollën si risi, dy politikanë me shumë mëkate mbi supe, Edi Rama dhe Hashim Thaçi.
Sa herë ndihen në humbje brenda vendit, shfaqen si nacionalistë me botë të kufizuar, kur shprehen për bashkim kombëtar mes Kosvës dhe Serbisë, ndërsa nga ana tjetër në takimet ndërkombëtare përluten për integrim drejt BE-së.
“E ardhmja e jonë e sigurt është në NATO dhe në Bashkimin Evropian, Por po krijohen rrethana të reja që zgjidhja më e mirë do të ishte që dy parlamentet, ai i Kosovës dhe Shqipërisë, të nxirrnin deklaratat e nevojshme, të vullnetit të popullit të Kosovës dhe Shqipërisë që të jetojmë në një shtet të përbashkët, pa kufij”, tha Thaçi tre ditë më parë.
Një deklaratë që më shumë bëri zhurmë në Kosovë dhe Shqipëri, sesa trazoi politikën Europiane apo të SHBA-ve. Të mësuar me papërgjegjshmërinë e kryeministrit shqiptar Edi Rama dhe presidentit të Kosovës Hashim Thaçi, as politikanë në nivelit të ulët teknik ndërkombëtar nuk denjuan të komentojnë.
Edhe pse është një endërr e parë disa herë syhapur nga Rama dhe Thaçi, ekzistojnë dyshime se që të dy po tentojnë të fusin në lojë farën e përçarjes me faktorin ndërkombëtar, duke sjellë herë pas here idenë e bashkimit kombëtar apo të korrigjimit të kufijvë Kosovë-Serbi. Në situatën aktuale kur BE dhe SHBA bëjnë thirrje që të vijojë dialogu mes Kosovës dhe Serbisë, deklarata të tilla përkeqësojnë çdo tentativë bisedimesh, madje i japin një ndihmë propagandës serbe, duke e konsideruar faktorin shqiptar me prirje nacionaliste që shkakton trazira në Ballkanin Perëndimor.
Që të dy, si Rama ashtu edhe Thaçi janë të vetëdijshëm që deklaratat e tyre shkaktojnë tension, por për të mbijetuar në moçalin politik që e kanë krijuar vetë, hedhin në tregun politik ide të cilat nxisin konflikte. Kryeministrit Edi Rama gjithëfar epiteti mund ti gjendet, por që të konsiderohet si shtetar që do të mirën e vendit, hap një debat të madh, pasi faktet tregojnë të kundërtën.
Mes Kosovës dhe Shqipërisë kryeministri ka vënë vetë i pari trauna e ndarjes… Pikërisht taksa e rrugës në aksin Durrës-Kukës është tarifa që u shpik në mendjen e djallëzuar të kreut të qeverisë shqiptare.
Çdo shtetas kosovar që përdor rrugën e vetme tokësore me kalim të drejtëpërdrejtë në Shqipëri, është i detyruar të paguajë 10 euro hyrje dalje. Kjo për automjetet e vogla, ndërsa taksa rritet deri në 56 euro hyrje-dalje për kamionët e transportit.
Ky “patriot” me fjalë boshe dhe me deklarata të papërgjegjshme e ndau me vetëdije Kosovën dhe Shqipërinë duke vendosur tarifë të lartë kalimi, për më shumë në rrugën që e gjeti të gatshme nga qeveria paraardhëse.
Kohët e fundit Thaçi është parë shpesh në vizita në Shqipëri, ku në çdo rast nuk largohet pa pasur një takim me kryeministrin Edi Rama, ndonëse protokolli shtetëror si takim parashikon më së pari atë me homologun e çdo vendi tjetër.
Në daljet e fundit publike në televizionet shqiptare Thaçi ka mbrojtur në çdo formë, madje dukshëm deri në ekstrem kreun e qeverisë Edi Rama, ndërsa ka dalë jashtë staturës së kreut të një shteti ku me fjalor të cunguar dhe të ulët sulmoi ish-kryeministrin Sali Berisha.
Edhe loja bajate e hedhjes në treg ntë ideve të bashkimit kombëtar, pikërisht në momente kritike, tregon më shumë dritëshkurtësinë politike deri në idiotizëm nacionalistë, apo ideonacionalistë të shtirur, për interesa fort personale.
