Kryeministri Edi Rama prej dy orësh ndodhet në një darkë me ministra dhe deputetë, drejtues politikë në qarqe.
Takimi ka në qendër të vëmendjes situatën politike në vend, veçanërisht zgjedhjet e 30 qershorit, proces ku opozita nuk merr pjesë.
Por ajo që ka rënë në sy, të paktën nga momenti kur Rama ka hyrë në vilën 31, ishte fakti se në krah të tij mungonte Endri Fuga, këshilltari që kurrë nuk i ndahet kryeministrit.
Ndoshta Fuga ka shkuar më parë në mjediset e vilës, ose ai nuk ka qenë pjesë e diskutimit të shefit të tij me ministra dhe deputetë.
Gjithsesi fakti që shpesh herë ai shoqëron kryeministrin, qoftë edhe në mbledhjet rutinë në PS, ka tërhequr vëmendjen sepse sot nuk ka qenë në krah të Ramës…
