Ellen DeGeneres është një nga moderatoret më të dashura për publikun amerikan por jo vetëm. Ajo është shumë e famshme dhe emisioni i saj renditet ndër më të ndjekurit. Ka shumë kontakte dhe të famshëm, artistë e politikanë e duan.
Por jeta e saj nuk ka qenë dhe aq e thjeshtë. Në moshën 61-vjeçare, Ellen ka treguar për herë të parë se është ngacmuar seksualisht nga njerku i saj kur ishte 15-16-vjeçe.
Ai më tha kur ishte jashtë qytetit se kishte ndjerë një gungë në gjoksin tim dhe duhet ta shihte sërish. Unë nuk merrja vesh nga trupi i njeriut, nuk e dija se gjinjtë janë të ndryshëm. Gjithsesi, ai më bindi se duhet t’i prekte gjinjtë e mi dhe pastaj e bëri dhe një herë tjetër dhe pastaj dhe një herë tjetër.
Por ai nuk ndaloi me kaq. Moderatorja ka treguar sesi ai u përpoq të hynte me zor në dhomën e saj dhe puna do të shkonte më larg sesa thjesht një prekje, ndaj ajo u hodh nga dritarja për t’u larguar.
Nuk doja t’i thoja mamit sepse e dija që do të mërzitej dhe unë po e mbroja atë.
Megjithatë pasi i tregoi, e ëma nuk e besoi Ellen dhe qëndroi për 18 vjet me bashkëshortin. Kur pa që ai po e ndryshonte versionin e historisë disa herë, atëherë e kuptoi që e kishte gënjyer dhe i kërkoi falje të bijës.
