Sinoptikanët parashikojnë një mbyllje të muajit maj me prani të reshjeve të shiut në vend.
Sipas Meteoalb, fundi i Majit do të ndikohet nga mot i paqëndrueshëm, ku nuk do të mungojnë shirat e dobët. Ndërkohë që temperaturat do të vijojnë të kapin një maksimum prej 27 gradë celcius.
QERSHORI – Dhjetëditëshi i parë i muajit qershor pritet të vijë kryesisht me vranësia dhe më pak kthjellime. Megjithatë, nëse në Maj vranësirat dhe shirat janë shfaqur shumë shpesh në zonat perëndimore, gjatë 10-ditëisht të parë të muajit qershor pritet që vranësirat dhe shirat të fokusohet kryesisht në lindje. Gjatë 10-ditëshit të parë do të kemi ditë me kushte të favorshme për plazh në zonat perëndimore të vendit.
Temperaturat – Për sa i përket temperaturave, qëndrojnë në vlerat 7-8 gradë celsius në vlerat minimale në zonat lindore dhe 24-25 gradë celsius gjatë orëve të mesditës.
Ndërsa, pas javës së parë të qershorit presim temperatura tipike të verës ku temperaturat maksimale do të ngjiten lehtësisht mbi 30 gradë celsius në ultësirat perëndimore. Ndërkohë, do të kemi temperatura 25-26 gradë celsius në zonat lindore megjithëse do të kemi shira. /BN/
