5500 euro një pishë, Nisma Thurje akuza Veliajt/ Do kishe dyfishuar ndihmën e familjeve në nevojë

Nisma Thurje përmes një postimi në rrjet denoncon faktin se Bashkia e Tiranës e drejtuar nga Erjon Veliaj prokuron 5500 euro një pishë, ndërkohë që një familje në nevojë paguhet mesatarisht 40 euro në muaj.

Në denoncimin e Thurjes thuhet se me lekët e një pishe kishim mbajtur me asistencë 1 familje për të paktën 11 vite me këto standarte.

Kontrata me vlerë 332 milionë lekë për mbjelljen e pishave të buta nga mbikalimi i Kamzës deri në atë të Kasharit iu bashkangjit faturës prej 90 milionë lekësh që Ministria e Mjedisit shpenzoi në vitin 2014 për të gjelbëruar të njëjtin segment me drurë palme.

Kontrata e Bashkisë me kompaninë “Fusha” sh.p.k u denoncua nga përfaqësuesit e Partisë Demokratike në Këshillin Bashkiak të Tiranës, të cilët e akuzuan kryebashkiakun Veliaj se po paguante 5 milionë lekë [të vjetra] për një pishë si dhe u kallëzua prej tyre në Prokurori.

Prokuroria e Tiranës i tha BIRN se prej shtatorit 2018 kishte regjistruar një procedim penal për veprat e “shpërdorimit të detyrës dhe “shkeljes së barazisë së pjesmarrjes në tendera” mbi kontratën e lidhur me kompaninë “Fusha” sh.p.k.

LEXO EDHE  FOTO/ Forcat operacionale te Komuna e Parisit, çfarë po ndodh

“Çështja është ende në hetim dhe nuk ka persona të ndaluar apo të pezulluar nga detyra,” tha përmes një përgjigje të shkruar Prokuroria e Tiranës.

Postimi i Thurjes

Një familje në nevojë paguhet mesatarisht dicka më shumë se 40 euro në muaj.

Një pishë nga Bashkia Tiranë është prokuruar për 5500 euro copa nga Fusha.shpk.

Pra me lekët e një pishe kishim mbajtur me asistencë 1 familje për të paktën 11 vite me këto standarte.

Ose u kishim dyfishuar ndihmën familjeve aktuale.

Nuk jemi aspak të varfër, kombet e varfëra nuk blejnë dot pisha magjike.

Jemi të vjedhur!

Ndaj duhet ndryshuar sistemi, dhe duhet bërë sa më parë.

Firmos peticionin te nismathurje.al ose në një nga stendat tona.

#Bashkohu