Mbrëmjen e sotme në aksin rrugor Elbasan Librazhd janë përplasur kokë më kokë dy automjete dhe për pasojë kanë mbetur të plagosur tre persona, njëri prej të cilëve në gjendje të rëndë për shkak të plagëve në kokë.
Nga përplasja e dy mjeteve janë dëmtuar edhe dy automjete të tjera që ishin parkuar në krahë të rrugës pranë një restoranti.
Policia ka shkuar në vendngjarje dhe po punon për zbardhjen e plotë të aksidentit, ndërkohë si shkak i përplasjes dyshohet parakalimi i gabuar i njërit prej mjeteve.
