Nuk do të ketë zgjedhje pa opozitën. Kështu u shpreh kreu demokrat, Lulzim Basha, duke iu përgjigjur nga protesta e mijëra qytetarëve, Edi Ramës, për qëndrimin e tij se zgjedhjet e 30 qershorit do të zhvillohen.
Basha theksoi se zgjedhjet pa opozitën nuk janë demokratike dhe këtë ia kanë thënë edhe partnerët tanë.
“Pjerin Ndreu dhe Valbona Sako janë drejtpërdrejtë të përfshirë në dosjen 184, sikundër është Agron Malaj në Burrel, që po i gradon duke tentuar t’i bëjë kryebashkiakë.
Ja kjo është ftesa që më bën mua, të mbrojë kriminelët dhe t’i gradojë ato.
Jepeni tani përgjigjen dhe t’a dëgjojë në Surrel apo kudo ku është futur?
Ne jemi populli i lirisë, i demokracisë, besojmë te familja, besojmë te Zoti, besojmë te liria dhe demokracia.
Kjo betejë sot bëhet për Europën, në orët vendimtare kur qytetarët i drejtohen kutive të votimit, në Shqipëri beteja për vlerat europiane, po shkon drejt fitores”, tha Basha.
