Gazetari Neritan Sejamini ka reaguar përmes një statusi në faqen e tij në facebook pas prononcimit të Genovefa Cavelaras shefe ONM për reformën në drejtësi.
“Cavalera është gjithashtu përgjegjëse direkte për gjendjen ku jemi, sepse kjo reformë mediokre u hartua dhe u mbrojt prej ekipit të saj, të cilët ishin aq të paaftë sa as nuk menduan e parashikuan pasojat shkatërruese të zbatimit në praktikë të propozimeve të tyre mediokre për reformë”.
Ja postimi i plotë i Sejaminit
Deklarata e Genovefa Cavaleras, një burokrate e nivelit të ulët të BE-së, e cila justifikon se nuk ka probleme që vonohet drejtësia për dhjetera mijëra shqiptarë se mungesa e “Gjykatës së Lartë është një çmim që duhet paguar” prej tyre, është një deklaratë skandaloze, e papranueshme, dhunim i hapur i të drejtave themelore të njeriut, dhunim i demokracisë dhe standardeve themelore të BE-së.
Cavalera është gjithashtu përgjegjëse direkte për gjendjen ku jemi, sepse kjo reformë mediokre u hartua dhe u mbrojt prej ekipit të saj, të cilët ishin aq të paaftë sa as nuk menduan e parashikuan pasojat shkatërruese të zbatimit në praktikë të propozimeve të tyre mediokre për reformë.
Deklarata e sotme e Cavaleres duhet dënuar me termat më të ashpër. Ndërkohë, i duhet kërkuar, Presidentit të BE-së dhe Presidentit të Komisionit Europian të distancohen menjëherë nga qendrime të tilla të papërgjegjshme, të cilat inkurajojnë dhe justifikojnë shkatërrimin e sistemit të drejtësisë, duke i sjellë dëme të mëdha shqiptarëve dhe Shqipërisë.
