(VIDEO-FOTO) Rrëzohet Komisariati 6, kështjella prej rëre e Tahirit dhe Sotës

U cilësua si një tjetër investim i rëndësishëm në zhvillimin e policisë, por duket se rikonstruksionet e komisariateve në Tiranë vazhdojnë të jenë thjeshtë fasadë e një zhvillimi dhe investimi fantazmë.

Miliona lekë investime të hedhura dëm, u shembën dje bashkë më hyrjen e godinës. Në njoftimin e policisë, sqarohej se godina e re e Komisariatit, u ndërtua me fondin e buxhetit të shtetit prej 239 milionë lekë me një sipërfaqe ndërtimore prej 2619 m². Ndërkohë që në ceremoninë e inaugurimit në janar të këtij viti, morën pjesë edhe ministri Lleshaj dhe nr.1 i policisë së shtetit, Ardi Veliu.

Komisariat

ME VIDEO/ Kur Lleshaj dhe Veliu inauguruan Komisariatin e ri që u shemb për 4 muajLexo lajmin: https://hashtag.al/index.php/2019/05/23/u-inaugurua-ne-janar-shembet-hyrja-e-komisariatit-te-tiranes-foto/

Gepostet von Hashtag.al am Donnerstag, 23. Mai 2019

Tenderi i dyshimtë

Firma ““Eco Construction & Partners” e Orest Sotës ka rikonstruktuar Komisariatin Nr. 6 të Policisë në Tiranë me vlerë 219 mln lekë të reja si n/ kontraktor.

Tenderin për rikonstruksionin e komisariatit nr 6 e ka fituar firma “Fusha” ndërsa firma fituese ka kontraktuar “Eco Construction & Partners” shpk për rikonstruksionin. Veprimet janë bërë kur në krye të Ministrisë së Brendshme ishte Saimir Tahiri.  Ngjarjet e bujshme që ndodhën në fund të 2017-ës zbuluan lidhjet e forta të ish-ministrit Tahiri dhe Orest Sotës. Kjo ngre edhe dyshime të forta për një tender korruptiv.

LEXO EDHE  Përfshihet nga flakët makina në ecje, shkaqet...

Tashmë janë marrë sërish masat për ndërhyrje në këtë godinë ku duket se do të shpenzohen edhe një shumë e mirë parash extra.

Kush është Orest Sota?

Orest Sota ka lidhje të forta me ish-ministrin e Brendshëm Saimir Tahiri. Emri i Orets Sotës u lakua publikisht pasi më 1 nëntor 2017, u kap me 863 mijë euro dhe patentat e skafit të ish-ministrit të Brendshëm Saimir Tahiri dhe bashkëshortes së tij.

Për prokurorinë nuk kishte dyshime: paratë ishin të Saimir Tahirit.

Boldnews ka raportuar më herët për dosjen hetimore në fjalë dhe lidhjet e ish-ministrit me biznesmenin Sota. /Boldnews.al/

Lexo edhe: *Lidhja e Tahirit me Sotën e 863 mijë eurove, ja provat e forta

*Detajet/ Të gjitha lidhjet e shoferit të Tahirit me Orest Sotën e “863 mijë eurove”