Duke u përgatitur për protestën e të shtunës së 25 majit, ish-deputeti demokrat, Ervin Salianji, ka qenë në qytetin e Korçës ku ka zhvilluar takim me strukturat e kësaj partie dhe me të rinjtë në qarkun e juglindjes.
Duke komentuar ftesën për dialog të kryeministrit Rama drejtuar Lulzim Bashës, tha se kriza politike nuk zgjidhet me letra. Salianji tha se Rama të vjedhë edhe pak nga koha që i ka mbetur derisa ti thotë burgut hapu.
Ervin Salianji: Jemi në situatë aksioni si në gjithë Shqipërinë. Një fushatë nga më të bukurat që mund ti bjerë një politikani për të kryer, jemi në një fushatë për Shqipërinë jo fushatë për partitë politike. Me letra nuk zgjidhet kriza, me letra nuk ushqehen dot shqiptarët, me letra nuk bëhet dot një Shqipëri më e mirë. Ne vazhdojmë takimet me qytetarët, ai të vazhdojë të vjedhë edhe pak kohë sa i ka mbetur derisa, siç themi ne nga anët tona, ti thotë burgut hapu. Mos e merrni seriozisht se atë nuk e merr njeri seriozisht, është për të qeshur.
