Kryeministri Sali Berisha, ka deklaruar në studion e ‘Opinion’ se ambasadori i OSBE, Bernd Borchard është njeriu i Ramës.
Ai tha gjithashtu se protestat ndaj tij janë të drejta, por nuk duhej protestuar tek shtëpia por në zyrë.
‘Ambasadori Borchard ka ardhur në Shqipëri pas një letre që opozita i ka bërë sekretarit të opozitës drejtuar OSBE-së, duke e konsideruar ambasadorin si një njeri të lidhur kokë e këmbë me Ramën. Besoj se ambasadorit i takonte të dëshmonte paanësi në qëndrimet e tij në mënyrë që të fitonte edhe besimin e opozitës. Qe një periudhë ku 7 gazetarë u agresuan, dhe unë në çdo rast bëja një status për ta. Njeriu i parë që duhet të reagonte është ambasadori Borchard, jo për opozitën por për gazetarët, por ai nuk shqiptoi një fjalë. E bëri për miqësinë ky që ka me Ramën, kjo nuk i bëri mirë Shqipërisë. Ambasadori Borchard pati një tjetër problem madhor, ishin dy deklarata. U bë njëra deklaratë, pastaj pas 10 minutash doli tjetra. Opozita ka të drejtë të dyshojë, nës ekjo deklaratë ishte e zyrës së shtypit e qeverisë. E drejtë që të protestohet tek shtëpia e tij nuk, tek zyra e tij mund të protestohet. Tek shtëpia e kemi të huaj, prandaj nuk i duhej shkuar tek shtëpia, sikundër ambasadori një shpjegim duhet ta jepte’, tha Berisha.
