Në më pak se 24 orë, kryeministri Edi Rama i është drejtuar me dy letra të hapura, kreut demokrat, Lulzim Basha, duke i kërkuar dialog pa kushte. Rama shprehet se nuk mund të shtyhet data e zgjedhjeve lokale, pasi kjo nuk është në dorën e mazhorancës.
Në anën tjetër, Basha i është përgjigjur se nuk do të ketë pazar, dhe shprehu vendosmërinë për largimin e Ramës nga posti i kryeministrit.
Ndërkohë, një prej aleatëve të Lulzim Bashës, kreu i LZHK-së, Dashamir Shehi, ka zbardhur mbrëmjen e sotme këshillën që i është thënë kreut demokrat, gjatë një takimi të zhvilluar mes tij dhe drejtuesve të partive opozitare.
“Në takimin që patëm me Bashën paradite i këshilluam që të mos i kthejë përgjigje Ramës. Letra e Ramës ishte tallje. Në kërkojmë që të japë dorëheqjen”, tha Shehi.
