Opozita e bashkuar kërkon prej muajsh krijimin e një qeverie tranzitore që do të përgatisë zgjedhjet e parakohshme parlamentare. Madje opozita ka paraqitur edhe një platform mbi detyrat kryesore që do të ketë kjo qeveri.
Deri më tani kanë qarkulluar disa emra që mund të drejtojnë këtë qeveri, kryesisht ish-figura të PS-së ndër vite, të mënjanuar politikisht nga Rilindja e Edi Ramës apo të larguar prej tij.
Një ndër emrat është edhe ai i kastriot Islamit, një prej emrave të njohur në rradhët e socialistëve, por që më pas kaloi në PD.
I pyetur rreth kësaj çështjeje, në studion e Top Talk, Islami theksoi se një gjë e tillë nuk përputhet me qasjen e tij.
“Nuk mendoj se përputhet me qasjen time. Nuk mendoj se është momenti. Jemi shumë larg një mjedisi që do sillte zgjidhjen e një krize.
Qasja për zgjidhjen e krizës, për të shkuar te qeveria teknike, duke hedhur apo testuar emra për kryeministër, nuk mendoj se është rruga e duhur.
Nuk mendoj se nxjerrja e emrave është efikase, apo serioze”, u shpreh ai.
