Komediani Julian Deda, ka ironizuar kryeministrin Edi Rama, pas letrës së tij të dytë drejtuar kreut të opozitës, Lulzim Basha, ku e fton për dialog.
Në postimin e tij Deda me ironi shkruan se letra e tretë e Ramës drejtuar Bashës, do të jetë në 25 maj pas proteste, dhe në tekst Rama do të shkruajë dorëheqjen e tij.
Ja postimi i Dedës:
LETËR E TRETË PUBLIKE LULZIM BASHËS
Zoti Kryetar,
e mora reagimin Tuaj ndaj letrës së djeshme ende pa u “tharë boja” e saj dhe nuk jam aspak i çuditur, me refuzimin nga ana Juaj e Dialogut farsë që Ju kërkova të bënim. Si rezultat detyrohem të tërhiqem me lot ne sy drejt Surrelit duke dhenë dorëheqjen dhe duke i hapur rrugë nje qeverie teknike, që te garantojë zgjedhje të lira dhe të ndershme, të cilat edhe me mirëkuptimin tuaj të zhvillohen jo më larg se muaji Tetor.
Edi Rama
25 Maj, 2019, pas proteste.
