Kryeministri Edi Rama ka reaguar përmes një postimi në Twitter pas deklaratave të Presidentit Ilir Meta, bërë më herët gjatë kësaj të mërkure.
Lidhur me mungesën e funksionimit të Gjykatës Kushtetuesve, të cilën Meta e vuri në dukje gjatë fjalimit të tij, Rama shprehet: “A e pengon mungesa e Gjykatës Kushtetuese Presidentin e Republikës të mbrojë datën e zgjedhjeve që sipas Kushtetutës ai e ka dekretuar? Falë Vetingut GJK është sot një djep bosh pa shejtanin brenda! Kjo është më shumë se gjysma e një pune të madhe që kërkon durimin e kohën e saj”.
Shefi i qeverisë shprehet se Presidenti është i vonuar në apelin, që sipas Ramës, Meta duhet të bëjë për të mbrojtur 30 qershorin si datën e zgjedhjeve lokale.
“Padiskutim Presidenti ka të drejtë kur thotë djegia e mandateve është e papranueshme po dhe më i papranueshëm është përbetimi për të djegur zgjedhjet! S’e dimë opinionin e Presidentit për këtë dhe bashkë me kritikat e tij, mezi e presim apelin e vonuar në mbrojtje të 30 qershorit”, shkruan Rama.
LEXO EDHE: *Meta humb qetësisë dhe dashurinë: Reforma në drejtësi për të kapur sistemin, ndërkombëtarët fajtorë!
