Një aksident me vdekje ka ndodhur në Mallkastër pasditen e sotme. Isa Malaj, 48 vjeç ka ndërruar jetë. Sipas policisë, teksa ecte në rrugë, Malaj është përplasur nga një makinë.
“Sot rreth orës 13:15, në qytetin e Ballshit, shtetasi G.M, 26 vjeç, banues në Ballsh, duke drejtuar automjetin tip ‘Benz’ ka aksidentuar shtetasin I.M, 48 vjeç, banues në Ballsh, i cili ishte duke ecur në këmbë. Për pasojë e përplasjes ka marrë dëmtime dhe pas ndihmës së parë në Spitalin e Ballshit u trasportua për në Spitalin Rajonal Fier por gjatë rrugës ka ndërruar jetë. Grupi hetimor po punon për dokumentimin ligjor dhe sqarimin e plotë të rrethanave të kësaj ngjarje“, thuhet në njoftimin paraprak të policisë lidhur me ngjarjen. /bn/
