Vendi është në prag të një situate të vështirë. Nëse Edi Rama do të vepronte si një burrë shteti, atëherë duhej të kishte reaguar që nga momenti që opozita dorëzoi mandatet e deputetëve.
Kështu u shpreh në emisionin “Arena” ish-ministri dhe ish-deputeti i PS-së, Marko Bello. Ai theksoi se nuk është shumë i shqetësuar për kritikat dhe akuzat e opozitës, por për faktin se Edi Rama ka të paktën dy vjet që nuk po qeveris dot.
“Merrni ekonominë, është rritur varfëria. Shikoni vetëvrasjet, është rritur numri, pse ndodhin ato”, tha Bello.
