Një person në kërkim nga Italia, u ndalua në Berat.
“Strukturat e Drejtorisë Vendore të Policisë Berat në bashkëpunim me Interpol Tirana, bënë kapjen dhe arrestimin e përkohshëm me qëllim ekstradimin drejt Italisë të shtetasit: Gazmir Polovina alias Gazmend Polovina alias Julian Bebri, 44 vjeç, banues në Berat. Gjykata e Milanos në Itali në Mars të vitit 2013 e ka dënuar me 15 vite burg, për kryerjen e veprave penale ‘Organizat Kriminale’ dhe ‘Trafikim i lëndëve narkotike’, parashikuar nga Kodi Penal Italian”, njoftoi policia këtë të mërkurë.
“Ky shtetas në bashkëpunim me shtetas të tjerë shqiptarë dhe italianë të organizuar si grup kriminal kanë qenë të përfshirë në trafik ndërkombëtar të heroinës dhe kokainës. Materialet hetimore u referuan në Prokurorinë pranë Gjykatës së Shkallës së Parë Berat për veprime të mëtejshme”, shtuan të njëjtat burime.
