Një vajzë 15 vjeçare është rrëmbyer në qytetin e Fierit.
Ajo quhet Jurgena Xhelali. Vajza është nga fshati Mbroastar, ura e Fierit dhe i përket komunitetit rom. Minorenja është larguar dje, rreth orës 9 në mëngjes. Kallëzimi është bërë në polici nga familjarët e vajzës.
Mësohet se policia e Beratit ka gjetur sot vajzën, e cila ndodhet në komisariat dhe nuk pranon të flasë më familjarët. Ndërkohë vajza thotë në komisariat se është larguar me dëshirë. Prindërit kanë denoncuar me pretendimin se vajza është minorene. Policia po vazhdon të hetojë mbi ngjarjen.
Por, burime nga Policia e Fierit sqarojnë se vajza është larguar me dëshirën e saj për tu martuar.
Njoftimi i Policise
Sot në datën 22.05.2019, në Komisariatin e Policisë Fier është paraqitur dhe ka bërë kallzim shtetasi Sh.Xh, 50 vjeç, për largim nga banesa të vajzës së tij 15 vjeçare.
Pas marrjes së kallzimit, policia ka nisur kërkimet ku në bashkëpunim me Policinë e Beratit vajza është gjetur dhe shoqëruar në Komisariatin e Policisë Berat.
Nga deklarimet e para, 15 vjeçarja deklaron se ka ikur me dëshirën e saj për tu martuar në Berat.
