Mediat holandeze pasqyrojnë deklaratën e policisë së qytetit Limburg, ku theksohet se hetimi ka treguar se kryesisht njerëz me prejardhje shqiptare janë të përfshirë në këtë kultivim të lëndës narkotike.
Gjatë aksionit janë kryer kontrolle në dhjetra banesa ku kishte dyshime se kultivohej drogë në ambiente të mbyllura.
Gjatë aksionit janë angazhuar mbi 100 efektive të policisë në disa komuna të vendit. Hetimet për këtë rast kanë nisur në vitin 20018 pas verifikimeve lidhur me një kompanie me aktivitet në dy qytete të Holandës dhe me degë në Gjermani dhe Belgjikë.
Aktivitetet e biznesit ishin tregtia dhe marrja me qira e automjeteve, transporti i udhëtarëve, brokerimi i udhëtimeve dhe shërbimet financiare, por dyshohet se burimet financiare të saj kanë qenë të ardhurat e paligjshme nga droga me prejardhje shqiptare.
