Ish-ministër në qeveritë socialiste, dhe një nga ekspertët më të njohur të ekonomisë, Zef Preçi, në një reagim në rrjetet sociale, ka reaguar lidhur me ardhjen e policisë europiane në territorin shqiptar.
Preçi shkruan në një postim se për 45 vjet Bota ishte e hapur ndaj Shqipërisë, e cila vuante nën regjimin komunist, por qeveria shqiptare ngriti perden e hekurt.
“Tani kemi hyrë në një fazë të re: BE vjen vetë këtu se poroziteti i kufinjve me emigrantë ilegalë, drogë, armë, etj., është bërë kërcënim për vetë komunitetin Europian. Progres jo shaka… Aq më tepër kur del “udhëheqësi” dhe e shet si fitore ardhjen e policisë Europiane në territorin Shqiptar..”, shkruan Preçi.
Postimi i Zef Preçit
Per 45 vjet bota ishte e hapur ndaj Shqiperise e cila vuante nen regjimin komunist, por qeveria Shqiptare ngriti perden e hekurt dhe u veteizolua.
Per 30 vitet e fundit mbas renies se hekurt nga pala Shqiptare, bota perreth nesh beri gjithcka qe te mbronte kufinjte e saj duke vendosur lloj pengesash ne toke, ne det dhe ne qiell.
Tani kemi hyre ne nje faze te re: BE vjen vete ketu se poroziteti i kufinjve me emigrante ilegale, droge, arme, etj., eshte bere kercenim per vete komunitetin Europian. Progres jo shaka…
Aq me teper kur del “udheheqesi” dhe e shet si fitorje ardhjen e policise Europiane ne territorin Shqiptar..
