Nga Artan Fuga
Mjerimi antikushtetues i paraqitjes nga ana e qytetares Eglantina Gjermeni, deputete, e projektligjit për gjoja reformimin e Akademisë të Shkencave!
———–
Pika 1 e nenit 82 të Kushtetutës kërkon pa asnjë ekuivok që : “Propozimi i ligjeve, kur është rasti, duhet të shoqërohet kurdoherë me raportin që përligj shpenzimet financiare për zbatimin e tij”.
Por a e ka bërë këtë qytetarja Eglantina Gjermeni, deputete, kur në datën 10 maj 2019 paraqiti propozimin për një projektligj që gjoja reformon Akademinë e Shkencave të Shqipërisë?
Nga investigimet që vazhdojnë rreth skandaleve lidhur me këtë çështje sa në Akademinë e Shkencave edhe në Kuvend, rezulton se paraqitja e saj ishte shoqëruar në fakt vetëm me këtë fjali : “Projektligji nuk sjell si pasojë rritje të shpenzimeve buxhetore për Akademinë e Shkencave, as për institucione të tjera.”
Një mjerim i vërtetë etik, teknik dhe ligjor.
Ky është pra raporti financiar që kërkon taksativisht Kushtetuta të cilën një deputete e shkel në mes të ditës, në mes të Komisionit, në mes të Kuvendit, në sytë e medias dhe të opinionit publik.
Ajo ndofta kujton se është mbi Kushtetutën e Shqipërisë, sepse mbi akademinë e shkencave dhe ministrinë e arësimit ka dalë se ka dalë.
Shihni si e redukton analizën financiare që duhet të përligji shpenzimet : Nuk ka shpenzime shtesë!!!
Qesharake!
Ku i bëri llogaritë?
Ku i certifikoi?
I di kjo deputete shpërdorimet e parasë publike në Akademinë e Shkencave?
Si bëhet palë me shpërdorimin pa efektivitet të buxhetit të shtetit?
Si nuk i shkon mendja të analizojë sesi shkenca jo vetëm harxhon paranë publike, por edhe duhet të prodhojë të mira materiale dhe financiare!
Shiheni se kush do ta reformojë Akademinë e Shkencave! E sheh shkencën vetëm si konsumatore parash publike, si thes për të futur dorën dhe grabitur parà!
Nuk ka faj ! Kështu e sheh edhe projektligji i saj në përmbajtje! Akademia e Shkencave nuk ka asnjë analizë financiare të rendimentit financiar të investimit për të nga ana e buxhetit të shtetit. Sepse po ta bëjë hidhet në erë si institucion !
Ja fytyra e vërtetë e reformimit që kjo deputete paraqet me propozimin e saj!
Duke mos respektuar Kushtetutën projektligji i saj duhet të hidhet në kosh sepse është i padenjë procedurialisht qysh në dëgjesën e bërë, e cila kushtetueshmërisht është nul!
Intelektualisht nul!
Financiarisht nul!
Nul, nul, nul!
