Gazetari i “Bild” Peter Tiede, i cili publikoi pak ditë më parë një artikull që tronditi qeverinë Rama, ka folur në një lidhje me video në emisionin “A Show” mbrëmjen e sotme.
Gazetari tha se në Shqipëri ka parë fusha me hashash, madje dhe laborator heroine. Ai zbuloi se do të shkruajë një tjetër artikull në lidhje me Shqipërinë, si dhe iu përgjigj akuzave të Ramës, se “Bild është një gazetë bulevardeske”.
“Zoti Rama duhet të përballet me argumentet, të njohë pse nuk funksionon gjykata, pse nuk funksionojnë disa nga institucionet dhe të shpjegojë nëse ka apo jo liri të shtypit, nëse gazetarët pengohen, apo prokurorët e gjyqtarët e kanë të vështirë të ushtrojnë jetën profesionale. Unë se kam për detyrë ti them atyre këtë gjë”, deklaroi ai.
Adi Krasta: Ke parë ndonjë fushë me kanabis në Shqipëri?
Tiede: “Do të isha i verbër të mos shikoja. Kam parë dhe laborator heroine, në verën e vitit 2016 kam qenë në Shqipëri, kam udhëtuar dhe kam parë”.
