Një aksident i rëndë me pasojë vdekjen dhe plagosjen ka ndodhur në Kosovë. Aksidenti mësohet se ka ndodhur mbrëmjen e sotme rreth orës 19:15, në fshatin Fortesë të Rahovecit.
Si pasojë e këtij aksidenti një person ka mbetur i vdekur, dhe një tjetër është lënduar.
Në aksident ka humbur jetën një pasagjer dhe ka mbetur i lënduar drejtuesi i një mjeti, në të cilin udhëtonin bashkë.
I lënduari është dërguar për trajtim mjekësor në spital, ndersa nuk dihet ende gjendja e tij.
Mësohet se automjeti me të cilin udhëtonin po merrte kthesën dhe në këtë moment është goditur nga një tjetër makinë, e cila ka qenë duke ardhur në krahun e kundërt të rrugës.
