Lilaj fiton trofeun e parë në Azerbajxhan

Sabien Lilaj ka fituar Kupën e Azerbajxhanit këtë të diel, pasi skuadra e tij Gabala, mundi 1-0 në finale SumQqyit. Mesfushori shqiptar e ndoqi ndeshjen nga tribuna, pasi ishte i pezulluar, por gjithsesi në fund të ndeshjes ka festuar me shokët e skuadrës duke ngritur edhe trofeun.

Ky është trofeu i parë në Azerbajxhan me Gabalan për Lilajn, i 12-ti në total për mesfushorin korçar, i cili numëron 6 tituj kampion në Shqipëri, 5 me Skënderbeun dhe 1 me Tiranën, si dhe 2 Kupa (nga 1 me Tiranën dhe Skënderbeun) si dhe 3 Superkupa (1 me Tiranën dhe 2 me Skënderbeun).

LEXO EDHE  “Tregoi se është kukull”, ish-sulmuesi Dosti replikon me Lerdën: Të vetmin trofe në karrierë e fitoi me Partizanin

Pjesë e Gabalas është dhe ish-sulmuesi i Skënderbeut, Xhejms Adenij i cili ka bërë një sezon fantastik.

Në kampionatin azerbajxhanas, Gabala renditet në vend të katërt, disa pikë larg vendit të tretë që siguron edhe pjesëmarrjen në fazat kualifikuese të Europa League.