Sekretari i Përgjithshëm i Partisë Demokratike, Gazment bardhi, ka sqaruar edhe njëherë opinionin publik dhe mediat se çfarë ndodhi mbrëmjen e 11 majit, ku numri 3 i PD, Sait Dollapi, replikoi ne dy drejtues policie dhe më pas ai u dhunua në mënyrë barbare para parlamentit.
I ftuar në News 24, Bardhi tha se pak para dhunës barbare, Dollapi është sharë dhe ofenduar nga dy drejtues të lartë të Policisë së Shtetit, dhe për pasojë ai ka hedhur vetëm një bidon ujë në drejtim të tyre.
‘Dy drejtues të lartë të Policisë së Shtetit, kanë ofenduar numrin 3 të PD, dhe ai ka hedhur vetëm një shishe ujë në drejtim të tyre. Në çdo protestë ne kemi mbështetur policët. Më pas siç e keni parë edh e në video, ai është dhunuar në mënyrë barbare nga kriminelët me uniformë’, u shpreh Bardhi.