Mbështetësit e të drejtave të personave LGBT kanë zhvilluar sot paradën e Krenarisë, një aktivitet i përvitshëm që zhvillohet në muajin maj. Me pankarta në duar, ata parakaluan në Bulevardin “Dëshmorët e Kombit”.
“Problem mbetet diskriminimi nga shoqëria, por edhe fakti se familja nuk i pranon këta persona”, -u shpreh një nga aktivistët.
Me ngjyrat e LGBT në fytyrë, ajo dhe të tjerë aktivistë kanë marshuar për të drejtat e këtij komuniteti.
Shqipëria ka ratifikuar Protokollin me numër 12 të Konventës Europiane për mbrotjen e të drejtave njerëzore dhe lirive fundamentale, për më tepër ajo ka nënshkruar në 2007 Deklaratën e Kombeve të Bashkuara mbi Orientimin seksual dhe Identitetin gjinor.
